अकिस माजि ह्मद्द व्यदाख
वछकिस पशस तल विज़ि विज़ि रोॖछमख
दामॖ दामॖ गलि गलि यूत वातनोवमख
लोॖलि लल्वान नैंदरे सोवमख
दूर नज़रव ज़ाहं मा त्रोवमख।
वर ओॖस लॖनिस म्यॖनिस तॖ चॖनिस
ज़ांनकॖरी अमिच निशि तस ज़ानिस
कॖम्यॖ लीखिथ वुछ क्या छु कर्मस
कमिस पय सोॗन कर बनि त्रामस।
दारॗ होर कॖच़ा तॖ कोॖत ताम
नय यि च़े पय नय यि मेॖ ताम
वछ़ॗ रोज़न यीतिस मेॖ अछ
बस नो ज़रय तीतिस च़े अछ पेॗठ मछ।
यति क्यहो तति म्यॗन अहीॖ पूशिनय
दोॖख संकट ब्रोंठ मो पकिनय
त्रॗविथ मेॖ मंज़ वॄध आश्रमस
मॖज छस कोॗरमख हवालॖ भगवानस।
कोरुथ क्या करख क्या तथ थव "सन्तोष"
अअही म्यॖनयॗ छय सॗत्यॖ रूज़िनय आशुतोष
छ़िफ कॗरथ येतिनस प्योम पेठॖ कोॗह
दय मो हविन ज़ांह कंसिं युथ दोॖह।
सन्तोष तिकू
वछकिस पशस तल विज़ि विज़ि रोॖछमख
दामॖ दामॖ गलि गलि यूत वातनोवमख
लोॖलि लल्वान नैंदरे सोवमख
दूर नज़रव ज़ाहं मा त्रोवमख।
वर ओॖस लॖनिस म्यॖनिस तॖ चॖनिस
ज़ांनकॖरी अमिच निशि तस ज़ानिस
कॖम्यॖ लीखिथ वुछ क्या छु कर्मस
कमिस पय सोॗन कर बनि त्रामस।
दारॗ होर कॖच़ा तॖ कोॖत ताम
नय यि च़े पय नय यि मेॖ ताम
वछ़ॗ रोज़न यीतिस मेॖ अछ
बस नो ज़रय तीतिस च़े अछ पेॗठ मछ।
यति क्यहो तति म्यॗन अहीॖ पूशिनय
दोॖख संकट ब्रोंठ मो पकिनय
त्रॗविथ मेॖ मंज़ वॄध आश्रमस
मॖज छस कोॗरमख हवालॖ भगवानस।
कोरुथ क्या करख क्या तथ थव "सन्तोष"
अअही म्यॖनयॗ छय सॗत्यॖ रूज़िनय आशुतोष
छ़िफ कॗरथ येतिनस प्योम पेठॖ कोॗह
दय मो हविन ज़ांह कंसिं युथ दोॖह।
-सन्तोष तिकू